რესპირატორულ ტრაქტში გრიპის ვირუსის გამრავლების შედეგად ზიანდება მოციმციმე ეპითელიუმი. მის ფიზიოლოგიურ ფუნქციას წარმოადგენს სასუნთქი გზების გასუფთავება მტვრისგან, ბაქტერიებისგან და სხვა. აქედან გამომდინარე, იგი ვერ ასრულებს თავის ფუნქციას და ჩნდება ბაქტერიული სუპერინფექციის განვითარების საშიშროება.

გრიპის ყველაზე ხშირ გართულებას წარმოადგენს პნევმონია, თანაც, როგორც წესი, გამომწვევია მეორადი ბაქტერიული ინფექცია (Streptococcus pneumoniae, Haemophilus influenzae an Staphylococcus aureus).ჩვეულებრივ, პაციენტი თავიდან გამომჯობინდება 3-4 დღის განმავლობაში. შემდეგ კვლავ აუწევს ტემპერატურა. კლინიკური ნიშნები და სიმპტომები შეესაბამება კლასიკურ ბაქტერიულ პნევმონიას: ხველა, ჩირქოვანი ნახველი, გამკვრივების ფიზიკალური და რენტგენოგრაფიული მონაცემები. გულისა და ფილტვის ქრონიკული დაავადებები განაპირობებს მეორადი ბაქტერიული პნევმონიის განვითარების წინასწარგანწყობას ხანდაზმულ ასაკში. შედარებით იშვიათია კომბინირებული ინფექცია (ვირუსული და ბაქტერიული ინფექცია). პირველადი ვირუსული პნევმონია წარმოადგენს გრიპის იშვიათ გართულებას და ახასიათებს მაღალი ლეტალობა. იგი ვითარდება მაშინ, როდესაც გრიპი გამოწვეულია მაღალი ვირულენტობის ვირუსით. იგი წარმოგვიდგება როგორც გრიპის ეპიზოდი, რომელიც არ გადაწყდება სპონტანურად. კლინიკური მდგომარეობა უარესდება მუდმივი სიცხით, ქოშინით. დასაწყისში ფიზიკალური მონაცემები შეიძლება არ იყოს შთამბეჭდავი. მძიმე შემთხვევებში, აღინიშნება გაფანტული ხიხინი, რენტგენოგრაფიულად – დიფუზური ინტერსტიციული ინფილტრატები. გრიპით გამოწვეული “ელვისებური” ჰემორაგიული პნევმონია, რომელიც გრძელდება არაუმეტეს 3-4 დღისა, წარმოადგენდა 1918 წლის პანდემიის დროს ლეტალობის ერთ-ერთ ძირითად მიზეზს. ჭეშმარიტად პირველადი გრიპოზული პნევმონია უმეტესად ემართებათ პაციენტებს, გულისა და ფილტვების ქრონიკული დაავადებებით, რომელსაც თან სდევს შეგუბებითი მოვლენები ფილტვებში.
გრიპის ფონზე განვითარებულ სხვა მეორად ბაქტერიულ ინფექციებს მიეკუთვნება – რინიტი, სინუსიტი, ბრონქიტი, ოტიტი.
რეიეს სინდრომი ხასიათდება ღვიძლის დაავადების და არაანთებითი ენცეფალოპათიის კომბინაციით. როგორც გრიპის გართულება, გვხვდება მხოლოდ ბავშვებში (ძირითადად B გრიპის შემდეგ) სალიცილატების გამოყენების შემდეგ და ვლინდება ძლიერი ღებინებით, რომელსაც შეიძლება მოჰყვეს თავის ტვინის შეშუპება და კომა.
გართულებები გულ-სისხლძარღვთა სისტემის მხრივ ხშირია ხანშიშესულ პაციენტებში და ვლინდება გულის ქრონიკული უკმარისობის გამწვავებით, სხვადასხვა არითმიების წარმოშობით, გულის იშემიური დაავადების გამწვავებით,არტერიული ჰიპერტენზია/ჰიპოტენზიით. ასევე, შეიძლება განვითარდეს მიოკარდიტი და პერიკარდიტი.
ტიპის გრიპის შემდეგ, უმეტესად ბავშვებში (უფრო ხშირად ბიჭებში), შეიძლება გამოვლინდეს კუნთოვანი გართულებები მიოზიტისა და სხვა კუნთოვანი დაავადებების სახით. კუნთების ტკივილი გრძელდება რამოდენიმე დღის განმავლობაში. ასევე, აღინიშნება მიოგლობინის მომატება შარდში, რამაც შეიძლება გამოიწვიოს თირკმლის ფუნქციის მწვავე მოშლა.
ხშირია ქრონიკული დაავადებების გამწვავება, მაგ., ბრონქული ასთმა, ქრონიკული ბრონქიტი, გულ-სისხლძარღვთა დაავადებები, ნივთიერებათა ცვლის მოშლა, თირკმლის დაავადებები და სხვა.
იშვიათია გრიპით გამოწვეული მიოკარდიტი. კვლევის დროს, რომელიც განსაზღვრავდა მიოკარდიული დისფუნქციის სიხშირეს, სიდიდეს და ხანგრძლივობას, მანამდე ჯანმრთელ, ახალგაზრდა პაციენტებში, პათოლოგიური ეკგ-მონაცემები აღინიშნა პაციენტთა 53%, 33%, 27%, 23%-ში, შესაბამისად 1, მე-4, მე-11 და 28 დღეს.
გრიპის კლინიკური გამოვლინება HIV დასნებოვნებულ პაციენტებში არ განსხვავდება სხვა პაციენტების ჯგუფებისგან. თუმცა, ცნობილია, რომ ჰოსპიტალიზაციის კოეფიციენტი უფრო მაღალია, ვიდრე ჩვეულებრივ HIV- უარყოფით ინდივიდებში. გრიპი შეიძლება მეტად ავთვისებიანად მიმდინარეობდეს AIDშ პაციენტებში. კერძოდ, აღინიშნოს იმუნოდეპრესიის უფრო მაღალი დონე. ამ პაციენტებში გრიპით გამოწვეული ლეტალობა ბევრად მეტია,ვიდრე საერთო მოსახლეობაში.
ტოქსიური შოკის სინდრომი შეიძლება მოგვევლინოს გრიპის გართულებად. ამ დროს დამახასიათებელია სწრაფად განვითარებული, მძიმე და შეუპოვარი ჰიპოტენზია. ჩვეულებრივ, ნახველის ნიმუშში შეიძლება გამოვლინდეს შტაპჰყლოცოცცუს აურეუს, რომელიც გამოიმუშავებს ტოქსინს. უეცარი შოკის დიფერენცირება საჭიროა მიოკარდიტებთან და სეპტიურ შოკთან.
ზოგჯერ აღინიშნება მწვავე განივი მიელიტი.
მენინგიტი და ენცეფალიტი.
კრუპი – გრიპის ჩვეულებრივ გართულებას წარმოადგენს. კლინიკური სურათი შეიძლება გაცილებით უფრო მძიმე იყოს პარაგრიპის ვირუსებთან შედარებით.