უფრო,
ადრეული გაზაფხულის
ამინდი მოადგა თვალსაწიერს,
ალბათ, გააქციეს ისრები
და დრო ჩემდაუნებურად გადაწიეს
ფრაზებმა,
რომლებმაც შენებური
სითბო მომიტანეს სადღაციდან
და მეც გონებაში მიკაკუნებს
მერცხალი,
რომელიც გადაფრინდა.
ალბათ, კარგა ხანი გავიდოდა,
სანამ სიყმაწვილე დამიღვინდა,
ლექსები,
რომლებიც არ მინდოდა
ფურცლიდან გარბიან
და  ფანჯრიდან
თავქვე ეშვებიან,
ზოგიც მაღლა…
ახლა დაღლა აღარ შეიძლება,
ფიქრები ტოვებენ ნაფეხურებს,
ავდივარ თუ არა ვარკვევ ვეღარ,
რადგან აღარ ვითვლი ნაფეხურებს,
რადგანაც ნატვრებმა გადამრიეს
საშენომ,
დავყავარ დაზაფრული,
ამინდი მოადგა თვალსაწიერს,
უფრო,
ადრეული გაზაფხულის.